Հասարակություն

Հյուսիսային ավտոկայանի մոտ տեղադրվել են վերգետնյա անցման սալերը

Երևանի հյուսիսային ավտոկայանի մոտ պետական բյուջեի միջոցներով կառուցվում է վերգետնյա հետիոտնային անցում Մ-4 միջպետական ճանապարհի վրայով, հայտնում է «Ճանապարհային դեպարտամենտ» հիմնադրամը։ Նոյեմբերի 8-ին տեղադրվել են անցման թռիչքային սալերը։ Անցման երկարությունը 39 մ է, բարձրությունը՝ 5,10 մ, լայնությունը՝ 1,5 մ։ Ըստ հիմնադրամի՝ այն թույլ կտա ապահովել հետիոտների անվտանգությունը և խուսափել այդ հատվածում վթարներից։