Հետաքրքիր Բնություն

Պորտուգալիայի վերջին կրկեսային փիղը նոր սրբավայրում 100 կիլոգրամով լցվել է

Պորտուգալիայի վերջին կրկեսային փիղ Ժյուլին (Julie) մոտ չորս ամիս առաջ տեղափոխվել է հարավային Ալենտեժու շրջանի Pangea սրբավայր։ 400 հեկտարանոց կալվածքը, ըստ Euronews-ի, Եվրոպայում այսպիսի մասշտաբի առաջինն է, և Ժյուլին դրա առաջին բնակիչն է։ Սրբավայրի ղեկավար Ռայան Հոքլիի (Ryan Hockley) խոսքով՝ փիղը երեք ամսից մի փոքր ավելի ժամանակում լցվել է մոտ 100 կիլոգրամով, ինչը լիովին նորմալ է։ Նախկինում նա ժամանակի մեծ մասն անցկացրել է անասնագոմում, իսկ հիմա շուրջօրյա ազատ մուտք ունի ցանկացած միջավայր և սիրում է ցեխային լողավազաններում թավալվել։ Ժյուլին բերվել է Աֆրիկայից մոտ 40 տարի առաջ, իսկ 1988 թվականին միացել է Կարդինալիի կրկեսին։ Pangea-ի նպատակն է ապագայում ընդունել 20-ից 30 փիղ, իսկ Եվրոպայում գերության մեջ գտնվող փղերի թիվը գնահատվում է ավելի քան 600։