Հետաքրքիր Բացահայտումներ

Չինաստանում գտել են ծովում ապրած առաջին հայտնի երկկենցաղին

Չինաստանի հարավ-արևմուտքում գտնված երկու գրեթե ամբողջական ֆոսիլային կմախքները վկայում են, որ զրահապատ երկկենցաղը ապրել է նախապատմական աղի ջրերում՝ մոտ 237 միլիոն տարի առաջ։ Հետազոտողները նոր տեսակը անվանել են Gerrothorax maritimus և այս մասին հոկտեմբերի 26-ին գրել են Nature Ecology & Evolution ամսագրում։ Երկրի վրա այժմ ապրող ավելի քան 8000 երկկենցաղ տեսակներից և ոչ մեկը ծովային միջավայրում չի ապրում, իսկ միայն 2 տոկոսն է ինչ-որ չափով դիմանում աղին։ Գիտնականները կարծում են, որ նրա յուրահատուկ կառուցվածքն ու ոսկրային զրահը թույլ չեն տվել ջուրը ներծծվել մաշկի միջով, իսկ աղը զտվել է խռիկներով։ Մոտ 30 դյույմ երկարությամբ կենդանին, ըստ ենթադրության, հարթ էր և ապրում էր հատակին։ Էդինբուրգի համալսարանի պալեոնտոլոգ Սթիվ Բրյուսեթը, որը հետազոտությանը չի մասնակցել, այս գյուտը որակել է որպես հնարավոր հեղափոխական։

Հայկական մեդիայում չի լուսաբանվել (ստուգված՝ 30 հոկտեմբերի)